АЛМАТЫ, 28 желтоқсан – Sputnik. Қазақстанда коронавирустан айыққандар саны 87%-ке дейін өсті, деп хабарлайды Sputnik Қазақстан тілшісі.
"Аурудан жазылғандар саны 87%-ке өсті, ал маусым-шілде айында бұл көрсеткіш 60%-дан аспады. Елімізде эпидемиологиялық жағдайдың тұрақсыз екенін ерекше атап өтемін", - деді денсаулық сақтау вице-министрі Марат Шоранов.
28 желтоқсанда республика қауіптілігі төмен аймақтан орташа тәуекел аймағына, яғни "жасылдан" "сары" аймаққа көшті.
Оқи отырыңыз: Оқушылар арасында инфекция жұқтырғандар саны өсіп жатыр – министрлік
Шорановтың айтуынша, қауіптілігі жоғары "қызыл" аймақта Атырау, Павлодар, Ақмола, Қостанай облыстары бар.
Ал коронавирустың таралуы бойынша "сары" аймақта немесе орташа тәуекел аймағында Нұр-Сұлтан, Алматы және Солтүстік Қазақстан облысы тұр.