НҰР-СҰЛТАН, 25 желтоқсан — Sputnik. Ресейдің Самара қаласының тұрғыны 16 ай бойы анасының мәйітін үйінде сақтады, деп хабарлайды жергілікті "Россия Самара" телеарнасы.
Оқиға орнына тәртіп сақшылары барды. Марқұмның ұлы мүгедек екені белгілі болды. Ол анасы өткен жылдың 19 тамызында қайтыс болғанын айтты. Жерлеуге қаражат болмағандықтан, денесін кілемге орап, бөлмеде қалдырғанын жеткізді.
23 желтоқсан күні үйіне танысы келген. Ішімдік ішпек болған кезде ол болған жағдайды жасырмай айтқан. Танысы полицияға хабарлады.
Қазіргі уақытта оқиғаға қатысты тексеріс жүріп жатыр.
Тағы оқыңыз: "Денесін бөлшектеп тастаған": Қарағанды облысында қылмыс ашылды