НҰР-СҰЛТАН, 18 желтоқсан – Sputnik. Минскіден Нұр-Сұлтанға ПТР-тестен өтпей келген төрт қазақстандық коронавирус инфекциясын жұқтырғаны анықталды.
"ПТР талдауының нәтижесі бойынша, 2020 жылдың 16 желтоқсанында Минск – Нұр-Сұлтан рейсімен ұшып келген төрт жолаушыдан коронавирус инфекциясы анықталды", - деп хабарлады санитарлық-эпидемиологиялық бақылау комитеті.
17 желтоқсанда Германия, Венгрия, Нидерланды, Мальдив аралдары, Үндістан, Мысыр, Түркия, Біріккен Араб Әмірліктері, Ресей және Өзбекстаннан он сегіз халықаралық рейс Қазақстан Республикасының аумағына кірген.
"2052 жолаушының ішінде 1 674 адамда теріс нәтиже көрсеткен ПТР тестілеудің анықтамасы болды, Қазақстанның 378 азаматы анықтамасыз келді", - деп нақтылады ведомство.
Оқи отырыңыз: Қазақстанда бір тәулікте коронавирус пен пневмониядан 9 адам қайтыс болды
Анықтамасыз келген Қазақстан азаматтары ПТР талдау әдісімен COVID-19 індетіне қарсы тестен өтті, олар нәтижені карантиндік стационарда күтіп отыр.