Жануарларға арналған киім оларды салқын күндері суықтан қорғап қана қоймайды, сонымен қатар оларға сән береді. Қазір көшеде әдемі киім киген мысықты көргенде ешкім таңғалмайды. Олар сүйкімді аяқ киім киіп, серуенге шығады.
Үй жануарларына жеке стандарттар бойынша киім тігетін арнайы салондар да бар.
Дизайнерлер үй жануарына арнап әдемі киімдер тігеді, оларды түрлі-түсті моншақпен безендіретіндері де бар. Аксессуар таңдап, жаздық бас киім, аяқ киім, сөмке де тігеді. Көп жағдайда жануардың иесі оның да дәл өзі секілді киінгенін қалайды.
Жалпы алғанда жануарға арналған киім кейінгі кезде танымал болып барады. Индонезиялық дизайнер Фреди Лугина Приади мысықтарға арналған ерекше киім тігумен айналысады. Ол бұрын қарапайым мұғалім болып жұмыс істеген.
Ол үй жануарларын супер қаһармандардың, мультфильмдер мен ертегі кейіпкерінің костюмдеріне, медбикелер мен әскери формаға киіндіреді.
Сонымен қатар мысықтарға әдемі хиджаб тігеді, ол үй жануары иелерінің арасында ерекше сұранысқа ие.