АЛМАТЫ, 21 қараша — Sputnik. Солтүстік Қазақстан облысы Қызылжар ауданында 23 жастағы жігітті күйік шалып, есін жимастан көз жұмды.
Төтенше оқиға Бескөлде болған, деп хабарлайды Polisia.kz.
"Петропавл қаласының 23 жастағы тұрғыны 4 досымен бірге Бескөлдегі жеке үйге демалуға барған. Куәгерлердің айтуынша, 19 қараша күні таңертең жігіт от жағатын бөлмеге темекі шегуге шыққан. Біраз уақыттан соң өртеніп жүгіріп шыққан", - деп хабарлады облыстық полиция департаментінің баспасөз қызметі.
Достары өздері сөндіріп, жедел жәрдем шақырған.
"Олар от жағатын бөлмеде жанып жатқан еріткіш құралы бар канистра тапқан", - деді полицияда.
Ол денесін күйік шалып, орталық аудандық аурухана жеткізілді. Кешке жансақтау бөлімінде қайтыс болды.