Өңірлер

Вице-премьер Қостанай облысында карантинді күшейтуді тапсырды

Үкімет Қостанай - Қарағанды және Қостанай - Алматы бағыты бойынша теміржол тасымалын қысқартуды ұсынды
Sputnik

НҰР-СҰЛТАН, 6 қараша — Sputnik. Ведомствоаралық комиссия Қостанай облысында санитарлық режимді күшейтуді тапсырды, деп хабарлайды үкіметтің баспасөз қызметі.

Вице-премьер, ведомствоаралық комиссия комиссия төрағасы Ералы Тоғжанов Қостанай облысына сапары барысында қарашадан бері COVID-19 жұқтыру көрсеткіші артқанын айтты.

"Вице-премьер жергілікті мемлекеттік органдар, әкімдіктердің нашар жұмыс істеп жатқанын атап өтті. Денсаулық сақтау министрлігі ұсынымдарын орындауды қадағалауды күшейтуді тапсырды", - делінген хабарламада.

Сондай-ақ, кейбір аудандарда ПТР-тестілеу мәселесін шешу тапсырылды.

Еске сала кетсек, Қостанай облысында 9 қарашадан бастап санитарлық режим күшейтілетіні хабарланды.