НҰР-СҰЛТАН, 15 шілде — Sputnik. Тәжірибелі дәрігер, травмотология ғылыми-зерттеу институтының директоры Нұрлан Бәтпенов 71 жасында қайтыс болды, деп хабарлады медициналық мекеме.
"15 шілде күні Қазақстанның еңбек сіңірген қайраткері, ҰҒА академигі, травмотология және ортопедия ғылыми-зерттеу институтының директоры, медицина ғылымдарының докторы, Қазақстанның травмотологтар мен ортопедтер қауымдастығының президенті, профессор Нұрлан Бәтпенов қайтыс болды", - деп жазылған мекеменің әлеуметтік желідегі парақшасында.
Дәрігердің қайтыс болуының себебі айтылған жоқ. Алайда әріптестері Sputnik Қазақстанға бұған дейін Бәтпенов пневмониядан ем қабылдағанын айтты.