НҰР-СҰЛТАН, 20 маусым – Sputnik. Екі салмақ дәрежесіндегі әлем чемпионы Геннадий Головкин Matchroom Boxing-тің youtube каналындағы сұхбатында Қазақстанда жекпе-жек өткізгісі келетінін айтты, деп хабарлайды Sputnik Қазақстан.
"Әрине, Қазақстан халқы өз жерінде мұндай кешті тамашалауға лайық. АҚШ-та өткізіп жатқан үлкен деңгейдегі шоуды отандастарым өз көзімен көруі керек. Мұндайды жасау қажет. Әлбетте мен "иә" деймін", – деді танымал боксшы.
Бірақ бұл мәселеде көп дүние өзіне байланысты емес екенін атап өткен ол, егер осындай мүмкіндік туа қалса – қуана істейтінін айтады.
Оқи отырыңыз: Головкин "Канеломен" қыркүйекте жекпе-жек өткізуден бас тартты
Айта кетейік, Головкин WBA әлем чемпионы атағына ие болу үшін колумбиялық Нилсон Тапияға қарсы 2010 жылы Нұр-Сұлтанда жекпе-жек өткізіп, үшінші раундта оны нокаутқа түсіріп, жеңіске жеткен.