НҰР-СҰЛТАН, 6 ақпан — Sputnik. Түркияның Стамбул қаласындағы Сабихи Гөкчен атындағы әуежайға қонған Pegasus Airlines әуе компаниясының Boeing-737-800 ұшағы үшке бөлінді.
Төтенше жағдай салдарынан үш адам қаза болып, 179 адам зардап шекті, деп хабарлады Anadolu.
Желіде оқиға орнында түсірілген видео пайда болды. Роликті Airport Haber порталы жариялаған.
Pegasus әуе компаниясының ұшағы Измир – Стамбул бағытымен ұшқан. Қонған кезде ұшу-қону жолағынан асып кетті.
Апатқа байланысты тергеу басталғаны хабарланып отыр.