АСТАНА, 22 ақпан – Sputnik. Қазақстанның футбол құрамасы Молдова командасын 1:0 есебімен жеңді. Жолдастық кездесу ЕУРО-2020 іріктеу кезеңіне дайындық аясында өткен.
Матч 1:0 есебімен аяқталды. Жалғыз голды "Шахтер" клубының шабуылшысы Оралхан Өміртаев соқты.
Қазақстан құрамасы бас бапкері Михал Билекпен бірге ЕУРО-2020 чемпионатына дайындықты жалғастырып жатыр. Бұл матчты өткізу туралы келісім биыл қаңтарда жасалған. Бірақ ойын Халықаралық футбол қауымдастығының ресми күнтізбесіне енген жоқ, сол себепті клубтардың ойыншыларын құрамаға жібермеуіне мүмкіндігі болды.
ЕУРО-2020 іріктеу кезеңі аясында 21 наурызда Қазақстан өз алаңында Шотландия командасымен ойнайды, ал үш күннен соң – Ресеймен.