Допты көрмей, тек сезіну арқылы да футбол ойнауға болады... Алматының "Қайрат" футбол клубының Blind Football командасы осыны дәлелдеп келеді. Олар бапкер Шыңғыс Темерхановтың басшылығымен жаттығады екен. Зағип футболшылар дыбыстар мен дауыстарға ғана сүйенеді.
"Қайрат" клубының базасында Blind football бағдарламасы басталғанда команда құрамына үміткерлердің саны 30 болыпты. Бүгін небәрі тоғыз көзі көрмейтін ойыншы қалған, дегенмен клуб жаңа футболшыларды үнемі іздеп жүреді.
Футболшылар Токиода 2020 жылы өтетін паралимпиада ойындарына қатысуды армандайды. Бірақ іріктеу жарысында бақ сынаса ала ма, жоқ па - әлі белгісіз. Қазір олар Ресей Кубогына таласуға дайындалып жатыр.
