АСТАНА, 17 ақпан — Sputnik. Генетик-дәрігер, медицина ғылымдарының кандидаты Бибігүл Қарыпбаева Sputnik Қырғызстанға берген сұхбатында іскер жігіттің етегінен ұстап қалу үшін зұлымдыққа барып, опық жеп қалған бойжеткеннің өмірін мысалға келтірді.
Оның айтуынша, ауру бала туатынын білген әйелдердің 90 проценті бір шаранаға зар болып жүрсе де жүктілікті тоқтатады.
"Бірде іштегі шаранадан қорқынышты CATCH-22 синдромы анықталды – бұл жүректің, бет-әлпеттің, айырша бездің ауытқушылығы дегенді білдіреді... Ондай балалар аман қалмайды. Дегенмен науқас жүктілікті тоқтатуға асықпады.
Ол шалғай қаладан келіп, бішкектік жігіттердің бірін кез келген жолмен ұстап қалуды армандапты. Мұнда жас заңгермен танысады, жігіт ауқатты отбасыдан екен, алайда оның туыстары қалыңдықты қабылдамады", - деп атап өтті ол.
Дәрігердің айтуынша, бойжеткен күйеуіне баласының диагнозы туралы тіс жармаған. Бала дүниеге келгенде "анда-мұнда сабылтқан дәрігерлер кінәлі" деп өтірік айтқан.
"Ол жігіт ауру баламен тастап кетпейді деп үміттенді, алайда ол бәрібір кетіп қалды ...", - деп түйіндеді Қарыпбаева.