АСТАНА, 25 қаңтар – Sputnik. Синоптиктердің болжамынша, алдағы демалыс күндері республиканың басым аумағында аяз болады, деп хабарлайды Sputnik Қазақстан.
Орталық Азия арқылы циклон ығысады. Қазақстанның солтүстік жартысында суық антициклон, ал Орталық Азияда жылы циклон әсерінен республиканың оңтүстік және оңтүстік-шығысының таулы аудандарында бұрқасындатып, жел күшейеді.
Сондай-ақ, синоптиктер 26 қаңтарда Солтүстік Қазақстан облысында дабылды ескерту жариялады. Ертең кей жерлерде бұрқасындатып, оңтүстік-батыстан, батыстан соғатын желдің күші 15-20, кей жерлерде екпіні 23-28 м/с дейін барады.
Петропавлда да бұрқасын және қатты жел.
Ірі қалалардағы ауа райы
Астана
26 қаңтарда: күндіз қар жауады, ауа температурасы —6…-8, түнде —14…-16 градус;
27 қаңтарда: күн ашық, көшпелі бұлт шығады, сынап бағанасы күндіз —18…-20, түнде —25…-27 градусты көрсетеді.
Алматы
26 қаңтарда ауа температурасы күндіз +3…+5, түнде —6…-8 градус;
27 қаңтарда: күндіз сынап бағанасы +3…+5, ал түнде —5…-7 градусты көрсетеді.
Шымкент
26 қаңтарда күндіз ауа температурасы +10…+12, түнде 0… —2;
27 қаңтарда; күндіз +10… +12, ал түнде 0…-2 градус шамасында.