АСТАНА, 21 қаңтар — Sputnik. Қазгидромет алдағы үш күнге ауа райы болжамын ұсынды.
"Алдағы үш тәулікте республикада синоптикалық процестер айтарлықтай өзгермейді, ал батыс және оңтүстік-батыстан тропосфералық ағындардың ығысуы сақталып, бұрынғыша ауа температурасын климаттық нормадан жоғары болады", — деп хабарлады Қазгидромет.
Екі облыста дабылды ескерту жарияланды
22 қаңтарда Батыс Қазақстан облысында кей жерде бұрқасын, тұман, көктайғақ, оңтүстік-батыстан соғатын желдің күші 15-20 м/с-ке дейін жетеді.
Түркістан облысында тұман, бұрқасын соғады, шығыстан күші 15-20 м/с жел болады.
Үш қалада ауа райы қандай болады
23 қаңтарда еліміздің бас қаласы Астанада түнде 7 градус аяз, ал күндіз 5 градус аяз болады. Алматыда түнде —5 градус, күндіз —4 градус. Шымкентте түнде —8 градус болса, күндіз +2 градусқа дейін көтеріледі.
24 қаңтарда Астанада түнде —7 градус, күндіз –1 градус. Алматыда түнде сынап бағанасы 5 градус нөлден төмен болса, күндіз +5 градусқа дейін көтеріледі. Шымкентте түнде —5 градус, күндіз +4 градусты көрсетеді.