АЛМАТЫ, 28 желтоқсан — Sputnik. Алматыда жолдың көрінбеуі салдарынан ірі көлік апаты болды, деп хабарлайды оқиға куәгерлері.
Жол апаты Розыбакиев көшесінде болған. Жедел жәрдем жүргізушісі артқа бұрылу үшін бөлу жолағына тоқтаған Audi көлігін көрмей қалыпты. Қатты соққыдан жеңіл көлік қарсы беттік қозғалыс жолағына шығып кетеді.
Жүргізушілері полицияны күтіп тұрғанда, жедел жәрдем көлігіне SsangYong келіп соғылған, ол жол апаты болғанын көрмей қалса керек.
Көлік бір жаққа ығысып, қасынан өтіп бара жатқан Lada-ға соғылады.
Жол апаты салдарынан үш көліктің жүргізушілері мен фельдшер зардап шекті.
Полиция оқиғаның мән-жайын анықтап жатыр.