АСТАНА, 27 желтоқсан — Sputnik. Қазақстан президенті Нұрсұлтан Назарбаев халықтың жұмыспен қамтылуы мәселелері туралы заңға енгізілген түзетулерге қол қойды. Бұл туралы Ақорданың баспасөз қызметі хабарлады.
Құжат өзін-өзі жұмыспен қамтығандар үшін бірыңғай жиынтық төлемнің мөлшерін белгілейді. Жаңа ережеге сәйкес, 2019 жылдың 1 қаңтарынан бастап бейресми жұмыспен қамтылған қазақстандықтар бірыңғай жиынтық нтөлемді (БЖТ) жасауға кіріседі.
БЖТ төлеушілер үшін табыс салығы мен әлеуметтік төлемдер бойынша ең төменгі мөлшерлеме 1 АЕК (елорда, республикалық және өңірлік маңызы бар қалаларға) және 0,5 АЕК (басқа елді мекендердің тұрғындары үшін) көлемінде белгіленеді. 2019 жылы 1 АЕК 2525 теңге болады.
Сонымен бірге, бейресми жұмыспен қамтылғандар үшін жиынтық төлем қызметті тіркеуді білдіреді, сондай-ақ міндетті медициналық, әлеуметтік сақтандыру және зейнетақымен қамсыздандыру жүйесіне қатысуға мүмкіндік береді.
Жиынтық төлем жасамағандардың күні не болмақ?
Мемлекет басшысы мемлекеттік сатып алу және квазимемлекеттік сектор субъектілерін сатып алу туралы заңға енгізілген түзетулерге қол қойды.