АСТАНА, 22 желтоқсан — Sputnik. "Орлан-2000" әуе компаниясының Ан-2 ұшағы техникалық себептерге байланысты Атырау әуежайына қонды.
Шағын авиация ұшағы бүгін сағат 13.34-те әуежайға қонды. Ол Атырау- Ганюшкино бағытында ұшып бара жатқан.
Оқиға салдарынан ешкім зардап шеккен жоқ. Бұл жағдай бойынша тексеріс басталады, деп хабарлады азаматтық авиация комитеті.
"Орлан-2000" әуе компаниясының ұшақтары негізінен ауыл шаруашылығы жұмыстарымен айналысады. Бұдан бөлек, санитарлық авиация рейстерін орындайтын ұшақтар да бар.
Айта кетсек, кеше Орал әуежайына Air Astana компаниясының Франкфурт-Атырау бағытындағы ұшағы шұғыл түрде қонды. Ішінде 64 жолаушы мен сегіз экипаж мүшесі болған ұшақтың бір қозғалтқышында ақаулық шыққан.