АСТАНА, 16 желтоқсан — Sputnik. Ташкент ауруханасында Өзбекстанның еңбек сіңірген әртісі Обид Асомов көз жұмды, деп хабарлады Sputnik Өзбекстан.
Ақпаратты "Узбекконцерт" растаған. ТМД елдеріне танымал әзіл-сықақшы жұма, 14 желтоқсан күні 55 жасында инфарктен қайтыс болды.
Обид Асомов 1963 жылдың 22 қазанында Ташкентте туған. 1993 жылы "Обид-А" деген атаумен өз театрын ашты. 2000 жылдардың соңында "Кривое зеркало" әзіл-оспақ бағдарламасының команда мүшесі болды.
2018 жылдың мамырында Асомов мультипликациялық фильмдер студиясының директоры болып тағайындалды.