АСТАНА, 5 желтоқсан — Sputnik. "Астанаэнергосервис" АҚ пәтерлерде электр желілерін тексеріп, ауыстырумен айналыспайды. Бұл туралы Елорда Инфо хабарлады.
"Елорда тұрғындары біздің компаниялардың бірінің жұмысына бірнеше шағым түсірді. Ол ұйымның атауы біздің компаниямыздың атауына ұқсас, электр желілерін тексеріп, ауыстырумен айналысады. Бұл ұйымның "Астанаэнергосервис" АҚ-на қатысы жоқ екенін атап өткен жөн. Біздің компания пәтерлерде электр желілерін тексеріп, ауыстырмайды", — деп жазылған компанияның әлеуметтік желідегі парақшасында.
Айта кетейік, "Астанаэнергосервис" АҚ компаниялар тобы жылу және электр энергиясын өндіру және тасымалдау жұмыстарымен айналысады.
Тұрғындардың айтуынша, өрт қауіпсіздігі үшін сымдарды ауыстыру бойынша қызметтер ұсынып, ауыстырмаған жағдайда өрттің шығуына себеп болатындығын айтып қорқытады. Көбінесе балалардан, немерелерінен және зейнеткерлердің өздерінен шағымдар түседі.
"Астанаэнергосервис" АҚ құжаттарды тексеруге, электр желілерінің ақаулығына куә болмайынша, қызметтерге келіспеуге, қызмет ұйымына немесе коммуналдық қызметке хабарласуға және күдік туындаған жағдайда, дереу полицияға хабарласуға кеңес береді.