АСТАНА, 1 желтоқсан — Sputnik. Полицей "жедел жәрдем" шақырып, дәрігерлерге жұдырық ала жүгірді.
Семей қаласы желілік полиция бөлімінің бастығы дәмханада ішімдік ішіп, денсаулығы нашарлап кеткен соң "жедел жәрдем" шақырған. Алайда ол ауруханаға алып келген дәрігерлер бригадасына алғыс айтудың орнына ашуланып кетіп, оларды соққыға жыққан, деп хабарлады "Еуразия" бірінші арнасы.
Семейлік жанжалқой полицей қызметінен шеттетілді. Алайда дәрігерлерге қол көтергені үшін қандай жаза қолданылатыны әзірге белгісіз.
"Көліктегі полиция департаментінің өзіндік қауіпсіздік басқармасы Семей стансасындағы желілік полиция бөлімінің бастығына қатысты қызметтік тексеріс жүргізіп жатыр, ол тергеу кезеңінде атқарып отырған қызметінен шеттетілді", — деп жазылған ҚР ІІМ ресми жауабында.
Қызылордалық полицей жүргізуші әйелге жалған әкімшілік іс қозғағаны үшін сотталды