АСТАНА, 23 қазан —Sputnik. Күнделікті нитраттарға бай көкөністерді жеу көздің көрмей қалу қаупін азайтады. Уэстмид медициналық зерттеулер институтының ғалымдары осындай қорытынды жасады, деп жазады MedicalXpress.
15 жылға созылған зерттеуге Австралияның 49 жастан асқан екі мыңнан астам тұрғыны қатысыпты. Күніне 100-142 миллиграмм көкөніс нитратын пайдаланатын, яғни қызылша, асжапырақ, жасыл салат жейтін адамдарда макулодистрофия дерті 35%-ға аз кезігеді екен.
Макулодистрофия — сары дақтардың бұзылуы, бұл кезде торкөздің жасушаларына нәр беретін тамырлар өліп қалады. Соның кесірінен қарт кісілердің көзі көрмей, соқыр болып қалуы мүмкін.
Дәрігерлер сәбидің көзінен 11 құрт алып шықты — фото
Бұдан бұрын ғалымдар анықтағандай, аптасына бір рет цитрус жемісін пайдалану торкөзді жетілдіріп, көздің көрмей қалуынан сақтайды.