АСТАНА, 16 қазан — Sputnik. Қазақстандық Данияр Елеусінов өзінің кәсіби рингтегі бесінші жекпе-жегін 24 қараша күні Монте-Карло қаласында өткізеді.
Sports.kz хабарлауынша, бокс кешінде Данияр Елеусінов рингті осы күнге дейін жеңіліп көрмеген, WBA нұсқасы бойынша екінші жеңіл салмақтағы әлем чемпионы Халид Яфаймен бөліседі. Оның қарсыласы Исраэль Гонсалес болмақ.
Кештің хедлайнерлері бірінші ауыр салмақтағы WBA Super және IBF нұсқасы бойынша бұрынғы әлем чемпионы Денис Лебедев пен Майк Уилсон болмақ. Фрэнк Бульони мен Фанлон Мен жартылай ауыр салмақтағы IBF Inter-Continental чемпиондық титулы үшін жұдырықтасады. Сондай-ақ, бұл күні Жилей Жан мен Александр Устинов рингте кездеседі.
Қазақстандық боксшы Данияр Елеусіновтің қарсыласының есімі кейінірек белгілі болады. Әзірге боксшыны 20 қазан күні Бостонда өтетін төртінші жекпе-жегі күтіп тұр. Ол америкалық Мэт Доэртимен шаршы алаңда жұдырықтасатын болады.