АСТАНА, 20 қыркүйек — Sputnik. Қостанайлық қыз қалалық сотқа әкесіне қарсы талап арыз түсірді. Бұл туралы облыстық соттың баспасөз қызметі хабарлады.
Қыз оқу орнында білім алған кезеңдегі әкесінің ай сайынғы барлық табысының ¼ көлемін алимент ретінде өндіріп алмақ.
"Жауапкер қызының алдындағы міндетін орындамай келген. Талапкердің әкесі қызы білім алған кезең үшін ай сайын 20 000 теңге көлемінде өз еркімен алимент төлеуге міндеттелді. Қызы талап арызынан бас тартты" – деп хабарлады сот.
Мұндай нәтижеге алдын ала сот отырысында қол жеткізілді. Судья тараптарға дауды бейбіт жолмен тоқтату құқығын түсіндірді. Тараптар соттан дауды реттеу жайлы келісімді бекітуді сұрап өтініш берді.
Атырауда жоғалып кеткен тұрғынды қыздары өлтіріп тастаған болып шықты