АСТАНА, 7 қыркүйек — Sputnik. Қазақстанның сыртқы істер министрлігі Литвада қазақстандық дипломаттың мас күйінде көлік айдағаны туралы ақпаратты тексеріп жатыр.
Әкімшілік-техникалық бөлім қызметкерінің ұсталғаны туралы мәлімет "Обзор" басылымында шыққан. Портал жазғандай, ер адамның мас болу деңгейі 1,40 промилле екен.
Литваның әкімшілік құқық бұзушылықтар туралы кодексі бойынша мас күйінде көлік айдау үшін 800-1100 еуро айыппұл салынады.
Қазақстанның сыртқы саясат ведомствосы бұл оқиғаның мән-жайын этика бойынша уәкіл анықтап жатыр деп мәлімет берді.
Дерек расталса, қызметкер шетелдегі ұзақ мерзімді сапарынан қайтарылады.