АСТАНА, 5 қыркүйек – Sputnik. Бүгін мәжілістің төртінші сессиясындағы бірінші жалпы отырыста депутат Дархан Мыңбай ант берді, деп хабарлайды Sputnik Қазақстан тілшісі.
"Қазақстан халқына адал қызмет етуге, Қазақстан Республикасының тұтастығы мен тәуелсіздігін нығайтуға, оның Конституциясы мен заңдарына қатаң бағынуға, депутаттың өзіме жүктелген мәртебелі міндеттерін адал атқаруға ант етемін", — деді Мыңбай мәжілістің жалпы отырысында.
Дархан Мыңбай – осы жылдың 13 ақпанынан бастап VI сайланған парламент мәжілісінің депутаты, экология мәселелері және табиғат пайдалану комитетінің мүшесі.