АСТАНА, 3 қыркүйек – Sputnik. Мексикалық боксшы Сауль Альварестің (49-1-2, 34 КО) промоутері Оскар де ла Хойя қазақстандық Геннадий Головкиннің (38-0-1, 34 КО) командасы екінші жекпе-жек алдында қандай талап қойғанын айтты, деп хабарлайды Sports.kz.
"Головкиннің адамдары жекпе-жек алдында ұлттық әнұранның шырқалғанын қаламай отыр. Олар сонда өз елін қолдамай ма? Бұл рәсім. Чемпиондық белбеу тігілетін жекпе-жектердің алдында ұлттық әнұран орындалуы тиіс. Ол жекпе-жекті әсерлі ете түседі. Головкиннің командасы Қазақстан, Мексика, Америка әнұраны орындалғанын қаламайды… Тағы қандай қалауы бар екен? Құдай-ау, олар жекпе-жектен бас тартқысы келе ме?! Шық та, жұдырықтаса берсейші!", — деп мәлімдеді Де ла Хойя.
"Канело" — GGG рематчы 15 қыркүйек күні Лас-Вегаста өтеді.