ОРАЛ, 15 маусым — Sputnik. Оралда жас жігітті өз үйінің ауласында пышақтап кеткен.
12 маусым күні таңғы бес кезінде жедел қызметкерлер Еуразия даңғылындағы №21 мектепке жақын жерде ер адамның денесін тапқан. 1997 жылғы жігіттің жүрегіне пышақ сұққан екен.
14 маусымда отбасы Артур Елеуовты соңғы сапарға шығарып салды.
"Уральская неделя" басылымына марқұмның достары хабарлағандай, Артурдың мінезі салмақты, ешқашан жанжал бастамайды екен, дәмханада аспаз болып істеп жүріпті.
Жедел іздеу шаралары барысында кісі өлтірді деген күдікпен 2000 жылғы жігіт ұсталды. Полиция тергеу жұмыстарын жүргізіп жатыр.