АСТАНА, 12 маусым — Sputnik. Сәуле Айтпаева Қазақстандағы Бала құқықтары жөніндегі уәкіл қызметіне тағайындалды.
"Мемлекет басшысының өкімімен Сәуле Мұханбедианқызы Айтпаева Қазақстан Республикасындағы Бала құқықтары жөніндегі уәкіл қызметіне тағайындалды", — деп жазылған Ақорданың баспасөз қызметі таратқан хабарламада.
Қазақстан президентінің тағы бір өкімімен Зағипа Балиева Қазақстан Республикасындағы Бала құқықтары жөніндегі уәкіл қызметінен босатылды.
Айта кетейік, парламент сенатының депутаты Сәуле Айтпаева бұған дейін ҚР Бас прокуратурасының Құқықтық статистика және арнаулы есепке алу комитетінің төрайымы қызметін атқарған.