АСТАНА, 29 мамыр — Sputnik. Араб Әмірліктерінде уланған қазақстандық туристер ауруханадан шықты, деп хабарлайды Қазақстанның бас мемлекеттік санитарлық дәрігері Жандарбек Бекшин.
"Бірнеше инфекция жұққан: біразы сальмонеллез жұқпасымен ауырды, біразы стафилококк жұқтырған. Уланған сегіз қазақстандық та Астанада тұрады. Олар жұқпалы аурулар емханасына барған. Қазір бәрі емделіп шықты", — деді Бекшин тілшілерге.
Оның айтуынша, зардап шеккендер турды ұйымдастырған операторға шағымданып, тұтынушылар құқығын қорғау органдарына арыз бермек.
Естеріңізге сала кетсек, біраз қазақстандық Шардж курорттық қаласының Sheraton қонақ үйінде уланып қалған еді.