АСТАНА, 24 мамыр – Sputnik. Астанада екі қабатты жатақханадан өрт шықты. Бұл туралы Sputnik Қазақстанға ҚР ІІМ төтенше жағдайлар комитетінің ресми өкілі Руслан Иманқұлов хабарлады.
"Бүгін сағат 16.25-те жедел кезекші пультіне жатақхана ретінде қайта жабдықталған екі қабатты құрылыстың шатыры жанып жатқаны туралы хабарлама түсті. Шақыру орнына шұғыл түрде мемлекеттік өртке қарсы қызметтің күштері мен құралдары жіберілді", — деді Иманқұлов.
Оның айтуынша, өртті сөндіруге 48 өрт сөндіруші және 14 бірлік техника жұмылдырылған.
Өрт сағат 16.55-те оқшауланып, 17.03-те толық жойылды.
Қызыл жалын 250 шаршы метрге шарпыған. Зардап шеккен адамдар жоқ.