АСТАНА, 4 мамыр — Sputnik. Мәскеудегі қазақстандық дипломаттар қаза тапқан студент қыз Томирис Байсафаның мәйітін жөнелту үшін тиісті шаралар жүргізіп жатыр, деп хабарлады Ресейдегі Қазақстан елшілігінің баспасөз қызметі Sputnik Қазақстан агенттігіне.
Жоспар бойынша бойжеткеннің мәйіті бүгін кешкісін елге жөнелтіледі.
"Бүгін кешке қыздың мәйіті Астанаға жіберіледі. Қазір консулдық қызметкерлері ауруханада, жөнелтудің алдында тиісті шараларды түгел атқарып жатыр", — деп хабарлады дипломатиялық ведомство.
Бейсенбі күні Мәскеудегі Склифософский атындағы ҒЗИ мәлімдегендей, Халықаралық қатынастар халықаралық мемлекеттік институтының (МГИМО) төртінші қабатынан құлап кеткен 21 жастағы қазақстандық студент Томирис Байсафа көз жұмды.