АСТАНА, 28 сәуір — Sputnik. Оралда дүлей желдің салдарынан ғимараттардың шатыры ұшып, талдар құлап жатыр.
Публикация от UralskGorod (@uralskgorod) 28 Апр 2018 в 4:50 PDT
Куәгерлердің айтуынша, желден қалаға кіреберістегі "Орал" деген жазу бүлінген. Қаланың қазіргі атауынан екі әріп – "А" және "Л" ғана қалған.
Қала алаңындағы тағы бір жазу зардап шекті. "Рухани жаңғыру" сөзінің "жаңғыруы" ғана қалыпты.
Жел сондай-ақ жергілікті дүкен мен қала мектебінің шатырын зақымдады.
Бұған дейін "Қазгидромет" Батыс Қазақстан облысында дабылды ескерту жариялаған болатын. Синоптиктер 28-29 сәуір күндері өңірде жел секундына 17-22 метрге дейін күшейетінін ескертті, сенбіде бұршақ жауып, найзағай ойнауы мүмкін.