АСТАНА, 18 сәуір — Sputnik. IBF тұжырымы бойынша орта салмақтағы әлем чемпионы титулына үміткер Сергей Деревянченко Геннадий Головкинді міндеттемесін орындап, өзіне қарсы жекпе-жек өткізуге шақырды, деп жазды Sports.kz.
"Титулдық жекпе-жек өткізуге қажетті жолды жүріп өттім. Келесі жекпе-жегімді Головкинге қарсы өткізуге дайынмын және келісім беремін. Ол кез келген уақытта кіммен болса да айқасатынын айтты. Неге менен қашып жүргенін түсінбеймін", — деді Деревянченко The Ring-ке берген сұхбатында.
Бүгін IBF Геннадий Головкиннің Ванес Мартиросянмен өтуі мүмкін жекпе-жегіне рұқсат беруден бас тартқаны белгілі болды. Енді ұйым GGG-ден өздерінің нұсқасы бойынша чемпиондық титулды босатуды талап етуі мүмкін.