Шығыс Қазақстандағы тасқын сумен күрес

ІІМ мәліметіне сүйенсек, республика бойынша 50 елді мекендегі 1500 үйді су басып кеткен. 3800-ден астам адам эвакуацияланды. Су басудың басты себептері – күн күрт жылынып, жауын-шашын мөлшері нормадан үш есе асып кетуі.

Үкімет отырысында ішкі істер министрі Қалмұхамбет Қасымов айтқандай, Шығыс Қазақстан облысында 390-нан астам үй мен 185 ауланы су басып қалған.

Семей, Аягөз, Зыряновск және Шемонаихада жергілікті масштабтағы төтенше жағдай жарияланды. Апаттық құтқару шарларына 1000-нан астам адам, 200 техника жұмылдырылған.

1 / 10

Шығыс Қазақстан тұрғындары үшін биылғы көктем үлкен бір сынақпен басталды. Табиғаттың алапат күшімен күресу оңай емес.

2 / 10

Өңірдің суға кеткен елді мекендеріне өткен аптада ішкі істер министрінің орынбасары Юрий Ильин барып қайтты. Тілшілердің министр орынбасарына қойған басты сауалы:"өңірде жергілікті масштабтағы төтенше жағдай жариялана ма?". Бұдан бұрын ШҚО әкімі Даниал Ахметов су тасқынымен күресуге техника мен құралдардың жетіспеушілігін айтып, үкіметтен жәрдем сұраған еді.

3 / 10

Юрий Ильиннің мәліметіне сүйенсек, Зырян ауданында су басу қаупінің тағы бір толқыны төніп тұр. Бұл жақта жер қыртысында мұз қатып, еріген қар суы жерге сіңбей, елді мекендерге қарай ағып жатыр.

4 / 10

Зырян ауданында су тасқынынан 414 үй зардап шеккен. Олардың 285-і судан тазартылды. Тағы 129 үйде қалпына келтіру жұмыстары жүргізілуде. Әлі 74 үй су астында. Әкім Даниал Ахметовтың айтуынша, олар жөндеуге жарамсыз.

5 / 10

Қызыл Жарты ай ұйымының мәліметіне сүйенсек, су тасқыны салдарынан үйлері бұзылғандарға, жалғыз басты зейнеткерлерге, жалғыз басты аналарға, көпбалалы отбасыларға жәрдем көрсетіледі.

6 / 10

Суретте Глубокое ауданындағы су басу деңгейін көруге болады. Елді мекендер тасқын судан тазартылды, тұрғындар үйлеріне қайтып, жөндеу жұмыстарын жүргізуде.

7 / 10

Құтқарушылардың сөзіне сүйенсек, кей адамдар үйлеріндегі бағалы заттарын тастап кетуден қорқып, эвакуациядан бас тартады екен.

8 / 10

Тасқын су Семей тұрғындарының да төзімін сынға алды. Суретте: Ертіс өзеніндегі мұздың сөгілуі.

9 / 10

Семейде қала әкімінің бұйрығымен жергілікті масштабтағы төтенше жағдай жарияланған.

10 / 10

Шығыс Қазақстан облысындағы су тасқынының салдарын жою үшін үкімет 2 миллиард теңге бөледі.