АСТАНА, 10 сәуір — Sputnik. Ресейдің Кемерово облысының бұрынғы губернаторы Аман Төлеев өңір парламентінің төрағасы болып сайланды, деп хабарлады РИА Новости.
Төлеевтің кандидатурасын Кузбасс халықтық депутаттар кеңесі бірауыздан (39 адамның 38-і қолдап дауыс берген) қолдаған.
Бұған дейін хабарланғандай, Аман Төлеев Кемерово қаласында "Зимняя вишня" сауда және ойын-сауық орталығындағы өрттен 64 адам қаза болғаннан кейін Кузбасс басшысы лауазымынан кеткен болатын.
Отставкадан кейін Төлеев депутат мандатын алды, ал облыстық кеңестің басшысы Алексей Синицин Аман Төлеевке өз орнын босатып беруге шешім қабылдады.