АСТАНА, 15 наурыз – Sputnik. Кездесуде Қазақстан президенті Нұрсұлтан Назарбаев Ресейдің мемлекет басшысы Владимир Путинге алдағы президент сайлауында сәттілік тіледі, деп хабарлайды Sputnik Қазақстан.
"Біз барлығымыз Ресейде сайлаудың жақсы өтуін және әрине, бәріміз Владимир Путинге сәттілік тілейміз", — деді Нұрсұлтан Назарбаев.
Елбасы Өзбекстан президентімен өткен кездесуде Орталық Азия елдерінің Қытай және Ресеймен ынтымақтастығын одан әрі нығайта беретінін атап өткен болатын.
Айта кетейік, бүгін Астанада Орталық Азия мемлекеттері – Қазақстан, Қырғызстан, Өзбекстан мен Тәжікстан басшыларының кездесуі өтіп жатыр. Түрікменстаннан меджіліс төрайымы Акджа Нұрбердыева қатысуда.
Ресейде президент сайлауы 18 наурызда өтеді.