АСТАНА, 27 ақпан — Sputnik. Ұлттық ұлан сарбаздары Астанада жанып жатқан көліктен баланы құтқарды.
Оқиға дүйсенбі күні кешкі сағат сегізде болыпты. Алтынсарин көшесінде патрульде жүрген сарбаздар жасағы Volkswagen Passat көлігінің өртке оранғанын байқайды.
"Көлік иесінің немересі іште қалып қойған екен. Сарбаздар тез арада қызды алып шығып, өрт сөндірушілер келгенше жалынды сөндірген", — деп мәлімет берді Ұлттық ұлан.