АСТАНА, 26 ақпан — Sputnik. Қазақстанның спорт шебері Милад Карими Мельбурндегі Әлем кубогының екінші кезеңінде өнер көрсетіп жатып жарақат алды.
18 жастағы гимнаст қоссырықтан құлап кетіп, қолын қатты жарақаттап алған.
"Маусым да аяқталды. Сүйегімді үш рет сындырдым, жарықшақ та түсті", — деп жазды гимнаст.
Спортшы өзіне ота жасалғанын хабарлады.
Кубоктың бұл кезеңін екінші бір қазақстандық жеңіп алды. Қазылар Нариман Құрбановтың өнерін жоғары бағалаған.
Алматылық Милад Карими өткен жылы Катардағы гимнастикадан әлем чемпионатында "күміс" иеленген болатын.