АСТАНА, 22 ақпан — Sputnik. Оңтүстік Корея жанкүйерлері Олимпиада ойындарында Қазақстанның мемлекеттік туын желбіретті, деп жазады New York Times.
Сеулде 70-ке жуық адам мәнерлеп сырғанаушылар Айза Мәмбекова мен Элизабет Тұрсынбаевға қолдау көрсету үшін Қазақстанның туын ұстап келді.
Кәрістердің жартысы Sigong Tech компаниясының қызметкерлері екен, олар ЭКСПО-2017 павильонын жобалау үшін келісімшарт ұсынған Қазақстанға алғысын білдіру үшін келіпті.
"Көптеген адам, мысалы, АҚШ-ты жақсы біледі. Ал Қазақстан сияқты ел туралы естігендер кем де кем. Сол себепті біз қолдау білдіргіміз келді", — дейді ұйымның менеджері Ха Юн Сун.
Қысқа бағдарламадан кейін қазақстандық мәнерлеп сырғанаушы Элизабет Тұрсынбаева 15-орын иеленіп, финалға қатысуға мүмкіндік алды. Ал Айза Мәмбекова, өкінішке орай, келесі кезеңге өткен жоқ.