АСТАНА, 19 ақпан — Sputnik. Астанада "Оңтүстік-Шығыс" шағын ауданында салынып жатқан діни мектеп өртенді, деп хабарлайды елорданың төтенше жағдайлар жөніндегі департаменті баспасөз қызметі.
Оқиға жексенбі күні 18 ақпанда сағат 15.35 кезінде Қарқабат көшесінде болған.
Оқиға орнына 15.41-де жеткен өрт сөндірушілер анықтағандай, салынып жатқан медресе күмбезін қаптайтын жылытқыш материал өртенген екен. Өрт аумағы 10 шаршы метрді құрады, өрт 16.03-те сөндірілген.
Өртті сөндіруге 10 адам мен екі көлік қатысты.
Зардап шеккендер жоқ.