АСТАНА, 17 қаңтар — Sputnik. Қырғызстан шекарашылары Шу өзенін кешіп өтіп, көрші елдің аумағына заңсыз кірмек болған Қазақстан азаматын ұстады, деп хабарлайды Sputnik Қырғызстан мемлекеттік шекара қызметіне сілтеме жасап.
Қырғызстанның шекаралық ведомствосының мәліметінше, 24 жастағы жігіт Шу облысында өткізу бекетінен тысқары жерде ұсталыпты.
Заң бұзушының сөзіне сүйенсек, достарымен кездесу үшін Тоқмоққа бара жатыр екен.
Сөйтсе, ер адамның шекараны кесіп өтуге заңды құқығы жоқ болып шығыпты, өйткені бұдан бұрын қылмыстық жауапкершілікке тартылған.
Тиісті құжаттар ресімделген соң ұсталған азамат Қырғызстан ұлттық қауіпсіздік комитетінің аумақтық бөлімшесі қызметкерлеріне берілді.