АСТАНА, 4 қаңтар — Sputnik. Ғалымдар өңделген етті тұтыну қатерлі ісіктің пайда болу қаупін арттыратынын анықтады, деп хабарлайды РИА Новости.
Глазго университетінің мамандары жүргізген зерттеуге орта жастағы 260 мың әйел қатысты.
Зерттеу барысында тіпті күніне тоғыз грамм ет өнімдерін тұтыну сүт безі қатерлі ісігінің даму ықтималдылығын 15 процентке арттыратыны белгілі болды. Яғни аптасына үш тілім бекон немесе екі сосиска жегеннің өзі осындай ауыр зардаптарға әкелуі мүмкін. Қауіп өңделген өнімдерден болатыны анықталып отыр.
Тиісті мәліметтер European Journal of Cancer журналында жарияланды.
Бұдан бұрын Дүниежүзілік денсаулық сақтау ұйымының мамандары күніне 50 грамм өңделген ет жеу колоректальды (тоқ және тік ішек жолдары) қатерлі ісігінің пайда болу ықтималдылығын 18 процентке арттыратынын анықтаған болатын.