АСТАНА, 4 қаңтар — Sputnik. Ресейлік "Аэрофлот" әуе компаниясы Мәскеу – Қызылорда бағытында жаңа рейс ашады, деп хабарлайды ҚР азаматтық авиация комитетінің баспасөз қызметі.
Ведомствоның мәліметінше, жаңа әуе рейсі көктем-жаз мезгілінде іске қосылады.
"Аэрофлот" Boing-737-800 типті әуе кемелерімен аптасына төрт рет рейс орындауды жоспарланып отыр.
Қазіргі таңда аталған бағыт бойынша рейс орындауды келісу процедурасы жүріп жатыр.
Аэрофлот – Ресейдің ірі әрі танымал әуе компаниясы. Компанияның штаб-пәтері Мәскеуде орналасқан. Базалық әуежай – Шереметьево, көптеген ішкі және халықаралық, жүк және жолаушылар рейстері осы жерден орындалады.