АСТАНА, 28 қыркүйек — Sputnik. Мәскеуде әкесін өлтірді деп айыпталған апалы-сіңлілі Хачатуряндар тергеу абақтысынан босатылды.
17, 18 және 19 жастағы қыздарға қатысты қылмыстық- процессуальды кодекске енгізілген жаңа бұлтартпау шаралары қолданылды – белгілі бір әрекеттерге тыйым салынды.
Қыздарға түнде тұрғылықты жерінен кетуге, сондай-ақ тергеуші мен жақын туыстарынан басқа адамдармен қарым-қатынас жасауға болмайды. Апалы-сіңлілерге бір-бірімен сөйлесуге және телефон мен интернетті пайдалануға тыйым салынды.
Бұл тыйым 28 желтоқсанға дейін әрекет етеді, деп хабарлады РИА Новости.
Үш апалы-сіңлілі жауыз әкесін өлтірді
27 шілдеде Мәскеудегі үйдің кіреберісінде мойны мен кеудесінен бірнеше рет пышақталған 57 жастағы адамның денесі табылды.
Тергеудің болжауынша, ер адамды үш қызы өлтірген. Құқық қорғау органдарындағы дереккөздің айтуынша, апа-сіңлілердің ең кішкентайы – 11 сынып оқушысы әкесіне пышақпен кем дегенде 35 соққы жасаған, ал үлкендері басынан ұрып-соққан. Қыздардың бірі кіші қыздың қолынан пышақты жұлып алып, әкесінің жүрегіне сұғып алған.
Күдіктілер кінәсін мойындап, әкесі ұзақ уақыт бойы моральдық тұрғыдан азап шектіргенін айтты.
Тергеу барысында қаза тапқан адамның өз қыздарына "азғын әрекеттер" жасағаны анықталды. Айыпталушылар әкесі құлға айналдырғанын мәлімдеді.
