FlyArystan әуе компаниясының жолаушылар құқығын шектейтін ережелері заңсыз деп танылды

© Sputnik / Andranik GhazaryanFlyArystan әуе компаниясының жолаушылар құқығын шектейтін ережелері заңсыз деп танылды
FlyArystan әуе компаниясының жолаушылар құқығын шектейтін ережелері заңсыз деп танылды - Sputnik Қазақстан, 1920, 21.11.2026
Жазылу
Сауда министрлігі компания қызметі бойынша бірқатар бұзушылықтарды анықтаған болатын
АСТАНА, 21 қараша - Sputnik. Сот FlyArystan әуе компаниясының жолаушылар құқығын шектейтін ережелерін заңсыз деп таныды.
Сауда және интеграция министрлігі FlyArystan әуе компаниясының ішкі ережелерін заң талаптарына сәйкестендіру туралы нұсқамасының заңдылығын сотта дәлелдеді.
Мәселе жолаушылардың бірінің шағымынан басталған. Өтініш негізінде министрліктің аумақтық департаменттері әуе компаниясына жоспардан тыс тексеру жүргізіп, тасымалдаушының ішкі қағидаларында тұтынушылар құқығын бұзатын бірқатар талаптар барын анықтады:
тасымалдау талаптары біржақты тәртіппен өзгерту;
әуе тасымалдаушысының жауапкершілігін шектеу;
жекелеген қосымша алымдарды негізсіз өндіріп алу;
жолаушылардың билет ақшасын қайтару құқығын шектеу;
тұтынушыларды толық ақпараттандырмау және жазбаша шағым беру тәсілдерін шектеу.
Тексеру қорытындысы бойынша компанияға осы бұзушылықтарды жою туралы нұсқама берілген болатын. Алайда FlyArystan бұл талаппен келіспей, шешімді сот арқылы бұзуға тырысты.
Алматы қаласының мамандандырылған ауданаралық әкімшілік соты мен апелляциялық алқасы әуе компаниясының шағымын қанағаттандырмай, министрліктің нұсқамасын заңды деп таныды. Енді тасымалдаушы ішкі ережелерін ел заңнамасына сәйкес өзгертуге міндетті.
FlyArystan увеличивает число рейсов к Наурызу  - Sputnik Қазақстан, 1920, 28.08.2026
Алматы әуежайында FlyArystan ұшағынан өрт шығып, бір адам зардап шекті
Жаңалықтар
0