Экономика

Тоқаев Қазақстан экономикасына 155 млрд доллар шетел инвестициясы тартылғанын айтты

© Photo : Пресс-служба премьер-министра Казахстана Касым-Жомарт Токаев выступил на III Форуме стратегических партнеров
Касым-Жомарт Токаев выступил на III Форуме стратегических партнеров - Sputnik Қазақстан, 1920, 19.11.2026
Жазылу
Қазақстанның сыртқы сауда көлемі 150 миллиард долларға жуықтады
АСТАНА, 19 қараша – Sputnik. Мемлекет басшысы Қасым-Жомарт Тоқаев III Стратегиялық серіктестер форумында Қазақстанның соңғы жылдардағы әлеуметтік-экономикалық жетістіктеріне тоқталды, деп хабарлады Ақорда.
"Халықаралық валюта қоры ұсынған болжамға сәйкес, биыл еліміздің жалпы ішкі өнімі 398 миллиард доллар болады. Ал осыдан жеті жыл бұрын бұл көрсеткіш 181 миллиард доллардың шамасында болды. 2019 жылдан бері экономикамызға 155 миллиард доллар шетел инвестициясы тартылды. Еліміздің сыртқы сауда көлемі 150 миллиард долларға жуықтады", - деді Тоқаев.
Оның айтуынша, алтын-валюта резерві мен Ұлттық қор активтерінің көлемі 44 пайызға ұлғайып, 129 миллиард доллардан асты. "Ұлттық қор – балаларға" бағдарламасы аясында 7 миллионнан астам баланың жеке есепшотына 2,5 миллиард доллар аударылды.
"Қазақстанда ақысыз медициналық көмектің кепілдік берілген көлемі нақты бекітілген. Соған сәйкес азаматтарымызға 1 мыңнан астам медициналық қызмет көрсетіледі. Елімізде әлеуметтік жағынан осал топтағы адамдарға берілетін жәрдемақының 39 түрі бар", - деп толықтырды президент.
Қасым-Жомарт Тоқаев соңғы жеті жылда 625 орта және ірі өндіріс орны ашылып, 3,6 миллион адам жұмыспен қамтылғанын атап өтті.
"118 миллион шаршы метр тұрғын үй бой көтерді. 36 мың шақырым автокөлік жолы және 5 мың шақырым теміржол салынып, жөнделді", - деп түйіндеді ол.
Макеты города Алатау - Sputnik Қазақстан, 1920, 03.11.2026
Alatau City-ге 1,3 млрд доллар инвестиция тартылады
Жаңалықтар
0