Шымкентте жанармай таситын көліктің жүргізушісі өртеніп кетті

© Sputnik / Илья Наймушин / Медиабанкке өтуОсень в Красноярском крае
Осень в Красноярском крае - Sputnik Қазақстан, 1920, 19.11.2026
Жазылу
Көлік толығымен отқа оранып, төгілген жанармай тұтанған
АСТАНА, 19 қараша – Sputnik. Шымкент қаласының Тұран ауданындағы Ташкент тасжолында жанармай таситын көлік өртеніп, бір адам қаза тапты. Бұл туралы қалалық төтенше жағдайлар департаменті хабарлады.
Оқиға 18 қарашада сағат 15:58-де болған. 112 шұғыл қызметінің пультіне жанармай таситын көліктің өртеніп жатқаны туралы хабарлама түскен.
"Оқиға орнына шақыртудың жоғары дәрежесі бойынша төтенше жағдайлар департаментінің күштері мен құралдары жіберілді. Өрт сөндірушілер жеткен кезде жол апаты салдарынан аударылған жанармай таситын көлік толығымен отқа оранған. Сонымен қатар төгілген жанармай да тұтанған", – делінген ведомство хабарламасында.
Өрт сөндірушілер 60 шаршы метр аумақтағы өртті сөндірді. Жалын толығымен жойылды. Көлік кабинасынан ер адамның мәйіті табылды.
Қазіргі уақытта жол-көлік оқиғасының мән-жайын полиция қызметкерлері анықтап жатыр.
Жаңалықтар
0