Путин мен Трамп бір-бірімен қол алысып, Си Цзиньпиннің екі жағына тұрды

© Sputnik / Сергей Бобылев / Медиабанкке өтуПрезидент Владимир Путин принимает участие в саммите АТЭС в Китае
Президент Владимир Путин принимает участие в саммите АТЭС в Китае - Sputnik Қазақстан, 1920, 19.11.2026
Жазылу
Путин мен Трамп АТЭЫ көшбасшыларының суретке түсу рәсімі алдында бір күн бұрын сөйлесіп үлгерді
АСТАНА, 19 қараша – Sputnik. Ресей президенті Владимир Путин мен АҚШ президенті Дональд Трамп Азия-Тынық мұхиты экономикалық ынтымақтастығы (АТЭЫ) саммитінің екінші күні бір-бірімен қол алысып амандасты.
Осыдан кейін Путин, Трамп, ҚХР төрағасы Си Цзиньпин және АТЭЫ ұйымының басқа да басшылары саммит дәстүріне сай ортақ суретке түсті.
Осы сәтте Ресей басшысы Владимир Путин ҚХР төрағасы Си Цзиньпиннің оң жағына, ал АҚШ президенті Дональд Трамп сол жағына тұрды.
Ресей мен АҚШ көшбасшылары бұған дейін АТЭЫ саммитінің пленарлық отырысы өтетін Шэньчжэнь қаласындағы Халықаралық алмасу орталығына келген болатын. Екі мемлекет басшысы да пленарлық отырысқа қатысады.
Айта кетері, Путин мен Трамп АТЭЫ көшбасшыларының суретке түсу рәсімінен бір күн бұрын сөйлесіп үлгерген.
Бұған дейін Ресей президентінің көмекшісі Юрий Ушаков пленарлық отырыстан кейін Путин мен Трамптың екіжақты кездесуі өтуі мүмкін екенін хабарлаған болатын. Сонымен қатар бейсенбі күні Ресей, Қытай және АҚШ басшыларының алғашқы үшжақты кездесуі жоспарланған.
Азия-Тынық мұхиты экономикалық ынтымақтастығы ұйымының саммиті 18-19 қараша күндері Қытайдың Шэньчжэнь қаласында өтіп жатыр. Жалпы, АТЭЫ құрамына Азия-Тынық мұхиты аймағындағы 21 мемлекет кіреді.
Жаңалықтар
0