Қарағанды облысында браконьерлерден құны 20 млн теңгеге жуықтайтын шаян тәркіленді

© Photo : Ішкі істер министрлігінің ведомстволық сайты Қарағанды облысында браконьерлерден құны 20 млн теңгеге жуықтайтын шаян тәркіленді
Қарағанды облысында браконьерлерден құны 20 млн теңгеге жуықтайтын шаян тәркіленді - Sputnik Қазақстан, 1920, 16.11.2026
Жазылу
Аталған дерек бойынша қылмыстық іс қозғалды
АСТАНА, 16 қараша – Sputnik. Қарағанды облысында браконьерлікпен айналысқан топ ұсталып, 2,5 тонна шаян тәркіленді, деп хабарлады Polisia.kz.
Қарағанды облысының Приозерск қаласында заңсыз шаян аулап, оны сатумен айналысқан ұйымдасқан топтың жолы кесілді.
23 пен 50 жас аралығындағы сегіз адам шаяндарды заңсыз аулап, аса ірі мөлшерде сатумен айналысты деген күдікке ілінді.
"Жедел-іздестіру және тергеу іс-шаралары барысында полицейлер 2 557 келі шаянды тәркіледі. Сонымен қатар заттай дәлелдеме ретінде 115 паллет, заңсыз ауланған өнімді тасымалдауға пайдаланылған деген болжам бар жүк көлігі мен ГАЗель алынды", - деп жазылған хабарламада.
Алдын ала есеп бойынша, күдіктілердің әрекетінен мемлекетке 20 миллион теңгеге жуық көлемінде залал келтірілген.
Аталған дерек бойынша қылмыстық іс қозғалды. Ұсталған сегіз адамның екеуі уақытша ұстау изоляторына қамалды. Қазіргі уақытта оқиғаның барлық мән-жайын анықтау, сондай-ақ заңсыз әрекетке қатысы болуы мүмкін өзге де тұлғаларды анықтау мақсатында тергеу амалдары жүргізіліп жатыр.
Каспий теңізіндегі шекарашылар - Sputnik Қазақстан, 1920, 06.01.2026
Былтыр Каспий теңізінде 600-ден астам браконьерлік фактісі тіркелді
Жаңалықтар
0