АСТАНА, 14 қараша – Sputnik. Абай облысында "Абай салбурыны – 2026" республикалық құсбегілер турнирі өтті, деп хабарлады өңір әкімдігі.Республикалық турнир Абайдың шәкірті Көкбай Жанатайұлының 165 жылдық мерейтойына арналған.Екі күнге созылған ұлттық спорт додасына еліміздің 11 облысы мен 3 қаласынан 101 құсбегі қатысты."13–14 қараша күндері ұйымдастырылған турнирде құсбегілер бүркіт, қаршыға және ителгі салудан өзара сынға түсті. Сонымен қатар 20-дан астам құмай тазының қатысуымен жарыстар ұйымдастырылды", - деп жазылған хабарламада.Ұлттық спорт мерекесі аясында арқан тарту, садақ ату және тай көтеру сайыстары да өткізілді.Ителгі салудан Ақмола облысының өкілі Ерлан Кенжетаев жеңімпаз атанды. Ал қаршыға салудан Жамбыл облысының өкілі Берікболсын Бабажан бірінші орынға ие болды. Бүркіт салудан Астана қаласының өкілі Ерасыл Серікбекұлы жеңімпаз атанды.Қазақы тазылар жарысында Шығыс Қазақстан облысының Өскемен қаласынан келген Еркебұлан Әділбеков жеңімпаз атанды. Ұлттық спорт түрлерінен өткен сайыстарда да үздіктер анықталды.
Екі күнге созылған ұлттық спорт додасына еліміздің 11 облысы мен 3 қаласынан 101 құсбегі қатысты.
"13–14 қараша күндері ұйымдастырылған турнирде құсбегілер бүркіт, қаршыға және ителгі салудан өзара сынға түсті. Сонымен қатар 20-дан астам құмай тазының қатысуымен жарыстар ұйымдастырылды", - деп жазылған хабарламада.
Ұлттық спорт мерекесі аясында арқан тарту, садақ ату және тай көтеру сайыстары да өткізілді.
Ителгі салудан Ақмола облысының өкілі Ерлан Кенжетаев жеңімпаз атанды. Ал қаршыға салудан Жамбыл облысының өкілі Берікболсын Бабажан бірінші орынға ие болды. Бүркіт салудан Астана қаласының өкілі Ерасыл Серікбекұлы жеңімпаз атанды.
Қазақы тазылар жарысында Шығыс Қазақстан облысының Өскемен қаласынан келген Еркебұлан Әділбеков жеңімпаз атанды. Ұлттық спорт түрлерінен өткен сайыстарда да үздіктер анықталды.
